Roteiro literario dos de 6º con Merche Espiño.

Desta vez si que fixo bo tempo e onte o alumnado de 6º puido realizar a saída. Primeiro visitaron os obradoiros da Escola de Artes e Oficios "Mestre Mateo" e a Libraria Couceiro, onde lle falaron dos libros antigos, distintos papeis, encadernación,... Logo iniciaron o roteiro literario por Compostela da man de Merche Espiño, que anteriormente xa traballara con eles no colexio a lírica medieval. Grazas,  de novo, á Escola, á libraria e a Merche Espiño polo seu trato e dedicación.

Percorrido por Santiago e visita á Escola de Artes e Oficios 5º primaria.

       O pasado venres 17 de marzo, tocoulle a quenda aos de 5º de primaria para meterse "in situ" no "Santiago Medieval". Fixeron primeiro unha visita aos Obradoiros da Escola de Artes e Oficios Mestre Mateo e logo guiados por dúas técnicas do Concello, fixeron o percorrido por Santiago. Outra gran experiencia.

Percorrido Casco Histórico Santiago de 3º e Escola de Artes e Oficios

O pasado venres 17 de marzo, tocoulle a quenda de saídas aos cursos de 3º. Fixeron un percorrido por Santiago partindo dende a Alameda e logo visitaron os obradoiros da Escola de Artes e Oficios, onde nos atenderon estupendamente e tamén aprendemos moito.

Taller sobre a elaboración do pan na Idade Media

Hoxe nunha aula de Infantil tivemos a sorte de contar con dúas nais que nos explicaron aspectos relacionados coa Gastronomía na Idade Media, en concreto sobre a elaboración do pan.
Os cereais que utilizaban, os distintos panes que comían segundo a clase social, o funcionamento dos fornos nas aldeas e nas cidades...
E logo os peques elaboraron coas súas mans pan de trigo (o que comían os máis privilegiados) e degustaron un riquísimo pan de centeo cocido por unhas das nais (que era o que comían as clases sociais máis baixas).
Moitas grazas a estas dúas nais pola súa colaboración.

Charla do arqueólogo Mario César para infantil 5 anos e 1º de primaria.

      Hoxe tivemos o gran pracer de escoitar a Mario César, arqueólogo que dirixiu, entre moitas outras, as investigacións e excavacións do Castelo da Rocha Forte. Ademais é pai de Iago, alumno de Infantil que actuou de axudante. Mario faloulle ao alumnado de Infantil de 5 anos e de 1º de primaria de como xurdiu a cidade de Santiago, dos segredos que garda, da época medieval, das catapultas e bolaños,...e do Castelo da Roche Forte. Tamén aclarou as numerosas preguntas e curiosidades dos cativos/as. Un pracer escoitalo, e agradecerlle a súa predisposición e os libros cos que nos agasallou.

Día da Poesía "Lírica medieval"

O alumnado de 6º agasallounos, para conmemorar o Día da Poesía, cun pequeno percorrido pola "Lírica Medieval". Faláronnos dos distintos tipos de cantigas, dos xograres, dos trobadores,... e recitaron distintos versos de Martin Códax ou Pero Meogo.

Percorrido "Santiago Medieval" Primeiros

O pasado mércores os nenos e nenas de primeiro acompañados polas súas mestras, fixemos unha visita guiada pola zona vella de Santiago de Compostela. 

Percorrimos moitas rúas da cidade antiga, polo que fixemos unha paradiña na Praza da Quintana para merendar e repoñer forzas. 

Despois de descansar continuamos a visita á fermosa Escola de Artes e Oficios e a libraría Couceiro. 

Que ben o pasamos e cantas cousas aprendimos! 

Que fermoso é vivir en Santiago! 

Salida Santiago Medieval - Kizoa Editar Videos - Movie Maker

Percorrido Casco Histórico Infantil 4 e 5

Hoxe tocoulle o turno aos de 4 e 5 anos, cunha pequena ruta polas rúas da cidade vella e con visita incluida á Catedral.

   

         

                                   

                                                      

Charlas 5º e 6º "Idade Media"

De novo, a historiadora Alma (nai dunha alumna do colexio) ofreceulles unhas charlas moi interesantes ao alumnado do centro. Tras unha introdución na Idade Media, faloulles aos de 5º sobre os xogos e a música do medievo e aos de 3º sobre os transportes desta época.

Moitas grazas Alma pola túa colaboración.

Saídas "Percorrido histórico por Santiago"

Hoxe tócalle o turno ao alumnado de Infantil de 4 e 5 anos. Ademais do percorrido, tamén se achegarán ate a Catedral.

XOVES 16:

-         INFANTIL 4 ANOS: Saída bus 09:30.

          10:00 Visita guiada Santiago (Alameda, as dúas Marías).

-         INFANTIL 5 ANOS:

11:15 Visita guiada Santiago (Alameda, as dúas Marías).

Visita á Praza de Abastos.

O alumnado de 4º visitou a Praza de Abastos para coñecer máis de preto o mercado e a gastronomía en Compostela. Tras unha charla sobre as portas, a muralla, sistema de salazón, alimentos do medievo,...e visitar os distintos postos, poideron degustar un petisco. 

Dárlle as grazas a Marta (Xerente da Praza de Abastos) e aos distintos socios, pola súa exquisita atención e dedicación.

Charla e Obradoiro de "Literatura Medieval" da profesora Merche Espiño.

O alumnado de 6º recibiu esta mañá unha Charla e un Obradoiro sobre Literatura Medieval como complemento ao proxecto da Biblioteca. Tras unha breve introdución, a profesora Merche Espiño, traballou cos rapaces sobre varias cantigas de Pero Meogo, Bernal de Bonaval ou Alfonso X o Sabio.

     Ademais o vindeiro mércores 22 completarán a actividade cun roteiro literario por Santiago.

          Agradecemos enormemente á profesora Merche Espiño que compartise con nós todos os seus coñecementos sobre esta temática. 

SAÍDAS "SANTIAGO MEDIEVAL"

Hoxe comezan as saídas para coñecer "in situ" a nosa cidade e o seu paso polo medievo: oficios, portas, muralla, encadernación, Códice, salazón, mercado, catedral,...serán algunhas das palabras que escoitarán ao longo da mañá o alumnado de 1º e 4º de primaria.

Grazas as entidades colaboradoras: Escola de Artes e Oficios Mestre Mateo, Praza de Abastos, Libraria Couceiro e Departamento de Educación do Concello de Santiago.

MÉRCORES 15:

-         1º PRIMARIA: Saída bus 09:30.

10:00 Visita guiada desde a Alameda (As dúas Marías).

11:30 (1º A) Escola de Artes e Oficios.

          (1º B-C) Libraría Couceiro

12:30 (1º A) Libraría Couceiro

           (1º B-C) Escola de Artes e Oficios.

-         4º PRIMARIA: Saída bus 09:30.

10:00 (4º A) Praza de Abastos.

           (4º B) Libraría Couceiro.

10:45 (4º A) Libraría Couceiro.

           (4º B) Praza de Abastos.

11:30 (4º A - 4º B) Visita guiada Santiago. Saída Praza de   Cervantes.

Comezando a construír o PDI "Santiago Medieval"

Con este novo blogue queremos empezar a cabalgar co proxecto de Biblioteca 2016/17 titulado "Santiago Medieval".

A finalidade é dar a coñecer a toda a comunidade educativa todos aqueles traballos e actividades relacionadas co proxecto.

¡Esperamos que vos guste!